For godt over ein månad sidan farga eg håret mitt grått. Eg har aldri farga håret før, så det tok litt tid å finne den rette komboen av lilla sjampo og stålgrå toning og frisørbesøk. Det er ikkje den lettaste fargen å få til, men eg tykkjer det vart så verd det til slutt. Annleis men nøytralt.
Bergens kulaste band Chain Wallet gir endeleg ut ny singel, eg har laga cover og alt er ein fest. Skru opp lyden og nyt!
Fire fantastiske oktoberdagar på favorittøya. Seks veker sidan forrige visitt, skal klare å halde meg heime litt lengre denne gongen. Trur eg.
I januar flyttar eg til Berlin for ein månad! Som ein del av utdanninga har me internships, og eg skal vere hjå Blank Blank – eit lite kreativt kollektiv i Kreuzberg. Blank Blank gjer alt eg ønsker å gjere når eg er ferdig utdanna, så ein betre stad for meg å vere intern finns igrunn ikkje.
Det er vanskeleg å fokusere på skule for tida, men når eg løftar blikket framover finn eg krefter til å prøve endå litt til. Maler litt, har farga håret grått og brukar stipendet på å reise. Det kjennes litt som eit eventyr.
For tida lagar me vårt eige typsnitt, og eg har byrja på denne rare displayfonten som liknar litt på ting ein finn frå før men ikkje heilt. Målet er å lage akkurat den mellomtingen eg har leita etter før men ikkje har fått tak i. Eit godt utgangspunkt for å lære programvare, og kanskje eg får brukt den til meir etter kvart!
6.09.15
2
Bits & bobs
_
I august var eg tilbake på Island, og heim igjen tok med meg ein kornete svartkvittrull. Det var etterlengta gjensyn, rykande varme kjelder, seine netter, skarpe vulkanar og mjukt seinsommarlys. Alt eg ønska meg pluss litt til, allereie første oktober skal eg tilbake endå ein gong. Og kanskje om eit år flyttar eg igjen, det er ein skummel fantastisk tanke. Island tar pusten frå meg på ein annan måte enn eg visste gjekk an.
Første titt på designet for Psykologidagene 2016 i Trondheim! Første release er kun logo og tilhøyrande namnetrekk, men planane er store og dette ligg an til å bli eit av dei kjekkaste designprosjekta eg har arbeida med. Dette er også mitt første trønderoppdrag, kryssar fingrane for fleire. Om ein vil sjå meir er det berre å klikke seg inn på deira facebook-side!